2024-жылдын январынан июль айына чейин Орусиядан Кыргызстанга 1 миллиард 552,3 миллион доллар которулган. Бул тууралуу Улуттук банк билдирди.
Россиядан акча которуулар өткөн жылдын ушул мезгилине салыштырмалуу 90,2 миллион долларга көбөйгөн.
Ал эми Кыргызстандан Россияга ушул аралыкта 236,3 миллион доллар которулган. Бул сумма 2023-жылдын январынан июлуна чейинки көрсөткүчтөн 26,5 миллион долларга аз.