Улуу жазуучу Чыңгыз Айтматовдун карындашы Роза Айтматова, актер Табылды Актанов менен тарыхчы Өскөн Осмонов «Манас» ордени менен сыйланышты. Сыйлыкты бүгүн, 20-январда президент Сооронбай Жээнбеков «Ала-Арча» мамлекеттик резиденциясында тапшырды.
Өлкө башчы алардын мамлекетке кошкон салымын белгилеп: «Бул урматтуу инсандарыбыз өзүнүн эмгекчилдиги, эл-жерине өтөгөн таза кызматы аркылуу “Манас“ орденине татыктуу болушту», — деди.