Улуттук банктын төрагасы Мелис Тургунбаев Улуттук банкынын расмий сайтынын жаңыланган дизайнын сунуштады. Анын айтымында сайтта навигацияны жакшыртып, веб-ресурсту колдонуучулар үчүн актуалдуу жана пайдалуу маалыматтарды сунуштай тургандай кылып иштеп чыгышкан.
«Сиздер мурункудай эле башкы беттен эсептик чендин өлчөмүн, учурдагы инфляция деңгээлин, ошондой эле акыркы жаңылыктарды таба аласыздар. Мындан тышкары биз интерфейстин функционалдуулугун кеңейтип, Улуттук банктын отчеттору, төлөм системалары, аналитикалык маалыматтарды жана финансылык жөнгө салуучунун акча-насыя саясатына тиешелүү документтерин издөө процессин бир топ жеңилдеттик. Андан тышкары сайтта коомдук кызматтарга жетүүнү оптималдаштырып, колдонуучуларга валюталардын курстары, өлчөнгөн куймалардын жана коллекциялык монеталардын баалары тууралуу маалымат баракчаларына дароо өтүүгө мүмкүнчүлүк түзүлдү», — деп айтты Тургунбаев.
Веб-ресурс кыргыз, орус жана англис тилдеринде иштейт, дайыма жаңыланып жана өркүндөтүлүп турат.
«Маалыматтын ачыктыгы жана жеткиликтүүлүгү биздин ишибиздин маанилүү аспектилери болуп саналат, жана мен, Улуттук банктын төрагасы катары сайттын жаңыланган версиясы биздин ишмердүүлүгүбүздү коомчулукка дагы да түшүнүктүү кыларына ишенем», — дейт Тургунбаев.
23-августта жарыяланган расмий маалыматта президент Садыр Жапаровдун чечими менен эки ай мурун дайындалган Улуттук банктын төрагасы Мелис Тургунбаевге сөгүш жарыяланды. Анын эки орун басары кызматтан бошотулган. Президенттин сайтында жазылган маалыматта «акча-кредит саясаты чөйрөсүндөгү жетишсиз иштер валюта курсунун туруксуздугуна алып келди, бул болсо экономиканын бардык тармактарына терс таасирин тийгизип, жарандардын жана ишкерлердин бакубаттуулугун начарлатты. Экономикага таасир тийгизген терс факторлор бизнес, финансы рыноктору, калк жана инвесторлор тарабынан ишенимди жоготуу коркунучун жаратты.
Ал эми Тургунбаевге сөгүш «жетекчилик курамды талаптагыдай координациялабагандыгы үчүн» берилген. Анын дагы бир орун басары Кайып Куленбеков өз арызы менен кызматынан бошотулган.
Улуттук банк 4-июнга карата чет элдик валюталардын сомго карата расмий курсун жарыялады. Ага ылайык: Коммерциялык …
Улуттук банк бүгүн, 2-июнга карата чет элдик валюталардын расмий курсун жарыялады. Ага ылайык: Ал эми …
Улуттук банк 13-майга карата чет элдик валюталардын сомго карата расмий курсун жарыялады. Ага ылайык: Коммерциялык …
Улуттук банк эсептик ченди 12 пайыз деңгээлинде калтырды. Чечим бүгүн, 28-апрелден тартып күчүнө кирет. Финансылык …
Улуттук банк 28-апрелге карата чет элдик валюталардын сомго карата расмий курсун жарыялады. Ага ылайык: Коммерциялык …
Гимндин текстин жана музыкасынын жаңы редакциясын даярдоо боюнча мекемелер аралык комиссия түзүлүп, аны мамлекеттик катчы …
