С.Жээнбеков: 19 жаштагы Бурулайдын бөөдө өлүмүнө жол берген күнөөлүүлөр баары катуу жазаланышы керек

Бишкек.04.06.2018. Govori.TV

Президент Жайыл райондук ички иштер бөлүмүндөгү 19 жаштагы Бурулай Турдали кызынын өлүмүнө алып келген кайгылуу окуяга  өзгөчө көңүл бурду. Сооронбай Жээнбеков бүгүн, 4-июнда өлкөнүн премьер-министри Мухаммедкалый Абылгазиев менен жолугушканда, бул окуя тууралуу кабарды терең кайгыруу менен кабыл алганын белгиледи.

«Милициянын чектен чыккан шалаакылыгынан, жоопкерсиздигинен жана өз ишин билбестиктен улам болгон бул окуяга коомчулуктун кыжырданып жатышын туура түшүнүү керек. Жаш кыздын бөөдө өлүмүнө жол берген күнөөлүүлөр баары катуу жазаланышы керек. Алар кызматтарынан четтетилип, кылмыш жоопкерчилигине тартылышын коомчулук күтүп жатат. Ички иштер кызматкерлеринин жоопкерчилигин жогорулатуу жана тартипти бекемдөө боюнча жумушту күчөтүү зарыл», — деп белгиледи Сооронбай Жээнбеков. Ал балдар менен үй-бүлөнү коргоо, балдар жана аялдарга карата зордук-зомбулукту алдын алууга багытталган мыйзам базасын жакшыртуу маселесин карап чыгууну сунуш кылды.

Премьер-министр Мухаммедкалый Абылгазиев бул окуя болгон эле күнү дароо жыйын өткөрүп, бул ишти өз көзөмөлүнө алганын маалымдады.

Ошондой эле балдарга жана аялдарга карата зомбулук фактылары боюнча дагы чечкиндүү чараларды көрүү боюнча жыйындар өткөрүлгөн.

Ал Бурулай Турдали кызынын өлүмүнө алып келген кайгылуу окуянын мындан ары кайталанбашы үчүн чечимдер кабыл алынып, буга жол берген ички иштер органдарынын кызматкерлерине жана жетекчилерге карата тийиштүү чаралар көрүлөрүн белгиледи.

Эске сала кетсек, 27-май күну, 29 жаштагы жигит  Чүй облусуна караштуу Жайыл районунун ички иштер бөлүмүндө ала качып бараткан 19-жаштагы кызын бычактап, андан кийин өзүнө кол салган. Натыйжада кызы каза таап, бала жандандыруу бөлүмүнө жаткырылган.

Подписаться:

Тема боюнча

Кыргызстандын президенти Борбор Азияда суу ресурстарын колдоонуда бүткүл регион алдындагы чоң жоопкерчилигин сезет

«Кыргызстан глобалдык чакырыктардын маанилүүлүгүн түшүнөт жана аларды чечүүгө өз салымын кошууга даяр», — деп Кыргыз …

Кененирээк

Садыр Жапаров: Борбор Азияда жаратылыш ресурстарынын чоң запастары, олуттуу демографиялык потенциал, транзиттик мүмкүнчүлүктөр бар

Президент Садыр Жапаров бүгүн, 8-июнда, Эл аралык Астана форумунун алкагында модератор Ричард Квесттин бүткүл региондун …

Кененирээк

Соңку жаңылыктар: Бишкектин түштүгүндө түнкүсүн суу өчөт. Издөөдө жүргөн чет элдик жаран кармалды

КАТАРДЫН ЭМИРИ БИШКЕККЕ КЕЛДИ Бүгүн, 7-июнда «Ала-Арча» мамлекеттик резиденциясында Катар мамлекетинин эмири шейх Тамим бин …

Кененирээк

Президент: Кыргызстан демократиянын жолун тандап алган өлкө

Бүгүн, 3-июнда Чолпон-Ата шаарында Европа Кеңешинин Президенти Шарль Мишелдин Кыргыз Республикасына болгон расмий сапарынын алкагында …

Кененирээк

Тажикстандын президенти Эмомали Рахмонду ким тосуп алды?

Тажикстан Республикасынын президенти Эмомали Рахмон Кыргыз Республикасына келди. Рахмонду “Ысык-Көл” эл аралык аэропортунан Акылбек Жапаров …

Кененирээк

Европа Кеңешинин президенти Шарль Мишель Кыргызстанга келди

Европа Кеңешинин президенти Шарль Мишель Кыргызстанга келди. Белгилей кетсек, Шарль Мишель Кыргызстанга 2-июнда Чолпон-Ата шаарында …

Кененирээк