Саламаттык сактоо министрлигинин үч башкармалыгынын башчылары кызматтан алынды. Бул тууралуу министрликтин басма сөз кызматынан кабарлашты.
Маалыматта айтылгандай, министр юридикалык бөлүмдүн башчысы Азамат Жумакеевдин, коомдук саламаттыкты сактоо башкармалыгынын башчысы Айнура Акматованын жана иш кагаздарын жүргүзүү бөлүмүнүн башчысы Гүлмира Ибраеванын кызматтан кетүү тууралуу арыздарына кол койгон.