Бүгүн, 7-мартта саат 15:24 чамасында Түндүк-Түштүк альтернативдик унаа жолунун 198-200-чакырымында кар көчкү түшүп, жол убактылуу жабылды. Бул тууралуу “Кыргызавтожол-Түндүк” мамлекеттик ишканасынын басма сөз кызматынан билдиришти.
Маалыматка ылайык, учурда атайын техника тартылып, кар көчкүнү тазалоо иштери жүргүзүлүүдө. Кар көчкүнүн көлөмү такталууда.
5-марттан 10-мартка чейин туруксуз аба-ырайына байланыштуу Кыргызстандын тоолуу райондорунда кар көчкү түшүүсү күтүлөт, жолдор тайгак болуп муз тоңот. Мындан улам аталган жолдор аркылуу сапарга чыгууда унаалардын ортосундагы 500 метр аралыкты сактоо зарылдыгы эскертилүүдө.
