Түркия орус газы үчүн төлөмдөрдү аткарууну кийинки жылга чейин жылдырышы мүмкүн. Бул тууралуу Reuters агенттиги түркиялык булактарына шилтеме кылып кабарлады.
Маалыматка караганда, Орусиянын «Газпром» компаниясы төлөө мөөнөтүн жылдырууга макул болгон жалпы сумма 4 миллиард долларга жетет. Анын ичинен 600 миллион долларды төлөө 2024-жылга чейин жылдырылган.
Түркиянын энергетика министри Фатих Донмез майдын башында «Газпром» менен макулдашуу жетишилгенин билдирип, бирок анын чоо-жайын тактап айткан эмес.
Түркиянын газ импортунун 39% Орусияга туура келет. Орус аскерлери Украинага басып киргенден кийин дүйнөдө газга болгон баалар кескин жогорулап кеткен. Мындан тышкары түрк өкмөтүнүн 2019-жылдан бери улуттук валютаны бекемдөө боюнча көргөн чараларынан улам Түркиянын экономикасындагы туруксуздук күчөгөн. 2021-жылдын жыйынтыгы менен өлкөдө инфляция 36%, 2022-жылы 80% ашкан.
14-майда Түркияда президенттик шайлоо өтөт. Социологиялык сурамжылоолорго ылайык, өлкөнүн учурдагы президенти Режеп Тайып Эрдоган бул шайлоодо жеңилип калышы мүмкүн. Анын рейтинги күнүмдүк керектөөдөгү товарларга болгон баалардын кымбатташына жана инфляцияга байланыштуу кыйла төмөндөп кеткен.
Түркия – Украинага кол салганы үчүн Орусияга киргизилген санкцияларга кошулбаган дүйнөдөгү көп эмес өлкөлөрдүн бири. Ошол эле маалда Анкара Киевге гуманитардык жана аскердик жардам берип, согушту токтотуу боюнча сүйлөшүүлөргө өзүн ортомчу катары сунуштап келет.
Булак: centralasian.org.
«Бишкекгаз», «Чүйгаз», «Ошгаз» жана «Жалалабатгаз» кызматтары 20-апрелден тарта карызы топтолгон абоненттердин газын өчүрөт. Өчүрүү аралыктан электрондук …
Кыргызстандын Тышкы иштер министрлиги (ТИМ) Москвада маңзат сатууга шек саналып кармалган Кыргызстандын жараны Нурмухаммед Токобаевдин …
Кыргызстандын Тышкы иштер министрлиги (ТИМ) Орусияда «Крокус Сити Холлдогу” кандуу кол салуу жөнүндө сүйлөшкөнү үчүн …
Стамбулда 2-апрелде өрт кырсыгынан кеминде 27 адамдын өмүрү кыйылды. Өрт шаардагы 16 кабат имараттын жертөлөсүндө …
Стамбул шаарында терактка даярданган деп шектелген Тажикстандын жараны менен Кыргызстандын атуулунун кармалышы боюнча ЖМКларында тараган …
Тажикстандын Орусиядагы элчилигине караштуу Коомдук кеңеш тажик жарандары үчүн билдирүү таратып, чет өлкөлүктөр үчүн Орусиянын …
