Улуттук коопсуздук боюнча мамлекеттик комитеттин төрагасы Камчыбек Ташиев кытайлык компаниянын өкүлдөрүнө кыргыз тилин үйрөнүүнү тапшырды.
Ысык-Көл облусундагы жол курулушу боюнча өткөн жыйында ал жолдун Барскоон-Каракол бөлүгүн куруп жаткан «China Road» компаниясынын өкүлдөрүнө ишти эртерээк бүткөрүү мүмкүндүгү тууралуу кайрылган.
«Сизге кыргызча сүйлөйүнбү?» — деп сурады Ташиев.
«Жок, орусча», — деп жооп берди компаниянын кызматкери.
«Эмнеге кыргызча үйрөнө элексиз? «China Road» канча убакыттан бери Кыргызстанда иштейт? 20 жылдан бери иштеп келе жатасыз! Демек, сиз кыргызча сүйлөй албайсызбы? Үйрөнүңүз!» — деди УКМК төрагасы.
