Татарстан Республикасынын президенти Рустам Минниханов мурдагы президент Алмазбек Атамбаевдин жубайына унаа белек кылды. Бул маалыматты КСДП партиясы жарыялады. Унааны Раиса Атамбаевага берилип жаткандыгын Апрель телеканалы дагы тараткан.
Маалыматка ылайык, Минниханов Раиса Атамбаеванын коомдук транспорт менен жүргөн сүрөтүн социалдык түйүндөр аркылуу көрүп, унаа жана айдоочуну дагы бекитип, ага айлык чектеп берген. Ал эми бул маалыматты Раиса Атамбаева өзү дагы ырастаган.
“Раиса Атамбаева Рустам Миннихановдун адамгерчиликтүү мамилесине, колдоосуна чын жүрөктөн ыраазычылык билдирди. Ал ошондой эле элдин колдоосу ага күч кубат жана жаркын келечекке ишеним берип жатканын белгиледи”,-деп айтылат маалыматта.
Көп өтпөй эле Татарстандын президенти Рустам Минниханов Алмазбек Атамбаевдин жубайы Раиса Атамбаевага унаа белек кылып, айдоочу да жалдап берген деген маалыматты Татарстан президентинин басма сөз кызматы четке какты.
«Президенттин атынан Атамбаевага эч кандай унаа берилген эмес. Рустам Минниханов Кыргыз өлкөсүндө 2019-жылдын июнь айларында татар диаспорасы менен жолуккан. Анда активисттер «Туган тел» татар борборуна унаа белек кылуусун өтүнүшкөн. 2019-жылы бул уюм 30 жылдыгын белгилегенин эске алып, Минниханов муну колдогон. Бул сураныч Дүйнөлүк татар конгрессиниин алкагындагы атайын фондго жөнөтүлүп, кабыл алынган. Фонд унаа сатып берип, диаспорага тапшырган» — деп айтылат маалыматта.
Бишкекте эки автобустун ортосунда калган жеңил унаанын сүрөтү тарады. Күбөлөрдүн айтымында, жол кырсык Жибек Жолу …
Министрлер кабинети оң рулдуу автоунааларда такси кызматын көрсөтүүгө жана жүк ташууга тыюу салган токтомду коомдук …
Ошто айдоочу жол жээгинде турган 9 жаштагы баланы сүзүп кеткен. Бул тууралуу Ош ШИИБы боюнча …
Бишкек – Ош унаа жолунун 402-чакырымында BYD үлгүсүндөгү унаанын айдоочусу рулга ээ боло албай калып, …
Бишкекте Lexus RX350 үлгүсүндөгү унаа ала салып кетти. Бул тууралуу «Кабар» жазды. Маалыматка ылайык, 13-июнга …
Жол кырсыгынан улам унаага кыпчылып калган жаран куткарылды. Бул тууралуу ӨКМдин басма сөз кызматы кабарлады. …
