Бишкекте кызды башка тепкен жарандын видеосу социалдык тармактарга жарыяланды. Видео тасмадан эркек киши чуркап келип, эч нерседен кабары жок турган кызды башка тепкенин көрүүгө болот.
Алдын ала маалыматка караганда, 19 жаштагы жабыркаган кыз «Роял» ресторанында сүрөтчү болуп иштейт. 25-сентябрда ага ресторандын конокторунун бири келип, сүрөткө тартууну суранып баасын түшүрүүнү талап кылган. Ал макул болбой койгон. Эркек киши ачуулукка алдырып, кызга кол салган.
Укук коргоо органдары окуя териштирилип жатканын билдирди.