Казакстанда президент Касым-Жомарт Токаевдин 5-сентябрдагы жарлыгы менен Марат Ахметжанов Акмола, Ербол Карашукеев Жамбыл облусунун башчысы болуп дайындалды.
58 жаштагы Марат Ахметжанов 2022-жылдын февраль айынан бери Ички иштер министрлигин жетектеп келген. Ал Токаевдин 1-сентябрдагы кайрылуусунан кийин кызматынан бошотулган.
Ахметжанов 2021-жылдын апрелинен тартып Коррупцияга каршы күрөшүү агенттигин жетектеп, 2016-2021-жылдары Башкы прокурордун орун басары болгон.
Эл аралык байкоочулар Казакстанды полициячыл мамлекет катары баалашат. Министрликтин курамына катардагы полициячылардан тышкары Улуттук гвардия жана куралдуу күчтөр кирет. Өлкөдөгү нааразылык акцияларында жапырт камакка алууларды да Ички иштер министрлиги жүргүзөт.
Жамбыл облусуна жетекчи болуп дайындалган Ербол Карашукеев буга чейин Айыл чарба министрлигин жетектеп келген. Бул мекеме Казакстанда эң көп сынга алынган министрликтердин катарына кирет. Жазында Токаев өзү бул министрликти сынга алган.
Бул арада Казакстандын президенти экология жана жаратылыш ресурстары министрин да дайындады. Бул кызматка Ерлан Нысанбаев келди. Ага чейин ал Астана акиминин кеңешчиси болгон.
Орол шаарын селден коргоо үчүн Батыш Казакстан облусуна кошумча күчтөр жөнөтүлүүдө. Бул тууралуу 22-апрелде казак …
Президент Садыр Жапаровдун 18-19-апрелде Астана шаарына (Казакстан Республикасы) болгон расмий сапары аяктады. Астананын эл аралык …
Президент Садыр Жапаров бүгүн расмий сапар менен Казакстанга учуп кетти. Бул тууралуу президенттин маалымат кызматынан …
Нурсултан Назарбаевдин фонду ири суу ташкындарынын кесепеттерин жоюу боюнча өлкө бийлигинин аракеттерин бардык жактан колдоп …
Президент Садыр Жапаров Казакстандын президенти Касым-Жомарт Токаевдин чакыруусу боюнча 18-19-апрелде Казакстанга расмий сапары менен барат. …
Казакстандын президенти Касым-Жомарт Токаев үй-бүлөлүк зомбулук үчүн жоопкерчиликти күчөткөн мыйзамга кол койду. Ага ылайык, аялдарга …
