Токтогул суу сактагычынын Кодул участогунда мыйзамсыз балык уулоонун алдын алуу боюнча кезектеги түнкү рейд жүргүзүлдү.
Экологиялык жана техникалык көзөмөл кызматы билдиргендей рейддин жүрүшүндө балык кармоо үчүн тыюу салынган кытай үлгүсүндөгү синтетикалык торлорду жайып жаткан жеринен эки жаран кармалды.
Аталган жарандарга карата КР Укук бузуулар жөнүндө кодексинин 267-беренесине ылайык административдик чара көрүлүп, ар бирине 11 миң сом өлчөмүндө айып салынды.
Ошондой эле рейд учурунда жалпы узундугу болжол менен 200 метрге жакын мыйзамсыз балык уулоочу торлор алынып, белгиленген тартипте конфискацияланды.
Экологиялык жана техникалык көзөмөл кызматы жарандарды балык чарбачылыгы жаатындагы мыйзамдардын талаптарын так сактоого чакырат. Мыйзамсыз балык уулоо суу биоресурстарына олуттуу зыян келтирип, балык корунун азайышына алып келет.
Биоресурстарды коргоо жана мыйзамсыз балык уулоого каршы рейддик иш-чаралар мындан ары да улантылат.
Жети-Өгүз районунун Покровка айыл аймагында жүргүзүлгөн рейд учурунда көлдөн узундугу 700 метр тор чыгарылды. Экологиялык …
Токтогул суу сактагычынан мыйзамсыз салынган торлор чыгарылды. Бул тууралуу Жаратылыш ресурстары, экология жана техникалык көзөмөл …
2026-жылдын башынан бери Ысык-Көлдөн 34 миң 800 метр браконьерлик тор чыгарылды. Бул тууралуу Өзгөчө кырдаалдар …
Ысык-Көлдү тор жана таштандылардан тазалоо иштери тынымсыз уланууда. Бул тууралуу президенттин басма сөз катчысы Аскат …
Ысык-Көлдү балык уулоочу торлордон тазалоо тынымсыз жүрүүдө. Бул тууралуу президенттин басма сөз катчысы Аскат Алагөзов …
3 күндө Ысык-Көлдөн 15 100 метр тор чыгарылды. Бул тууралуу Өзгөчө кырдаалдар министрлигинен билдиришти. Тазалоо …
