Коюу тумандан улам Ош эл аралык аэропортунда аба каттамдары кармалууда. Бул тууралуу «Манас» эл аралык аэропортунун басма сөз кызматы кабарлады.
Учурда Ош – Жуковский, Ош — Санкт-Петербург каттамдары кармалып жатат. Ошондой эле Стамбул – Ош, Москва – Ош каттамдары Ош аэропортуна коно албай, Бишкектеги «Манас» аэропортуна конду.
Учурда Ош аэропортунун аймагында көрүү узактыгы туурасынан — 100 метр, жогору карай — 46 метрди түзүүдө.