Twitter өзүнүн көгүш чымчык логотибин кара фондогу ак X белгисине өзгөрттү. Ребрендинг тууралуу буга чейин социалдык тармактын ээси Илон Маск билдирген.
«Жакында биз Twitter бренди, бара-бара анын бардык чымчыктары менен коштошобуз», — деп жазган ишкер.
Көк чымчык менен социалдык тармактын оригиналдуу логотиби 2012-жылы иштелип чыккан.
Ребрендингдин алкагында платформанын түсүн кара түскө өзгөртүү да пландалууда. Жаңы социалдык тармактын домени x.com деп аталат. Ал колдонуучуларды түз эле мурдагы профилине багыттайт.
Tesla жана SpaceX сыяктуу компаниялардын негиздөөчүсү Илон Маск Twitter’ди 2022-жылдын күзүндө 44 миллиард долларга сатып алган. 2023-жылдын мартында Маск компаниянын юридикалык аталышын X Corp деп өзгөрткөн.
Илон Маск компанияны сатып алгандан бери анын бир нече чечимдери чоң талаш жаратты. Компаниянын көптөгөн кызматкерлерин иштен бошотуу, акылуу верификация, АКШнын мурдагы президенти Дональд Трамптын аккаунтун бөгөттөн чыгаруу өңдүү кадамдары сынга кабылган. Миллиардер Маск өзү муну сөз эркиндигин коргоо аракети катары түшүндүргөн.
Дүйнөдөгү эң бай адам деп эсептелген миллиардер Илон Маск Twitter компаниясын сатып алууда. Тиешелүү макулдашуу …
Өзбекстандын Маалыматташтыруу жана телекоммуникация чөйрөсүн көзөмөлдөө боюнча мамлекеттик инспекциясы социалдык тармактардын ишин чектеп, муну алардын …
