Уланбек Усеков КР билим берүү жана илим министринин милдеттерин убактылуу аткаруучу болуп дайындалды. Бул тууралуу президенттин басма сөз кызматы кабарлады.
Кыргыз Республикасынын Президенти Садыр Жапаров кол койгон Жарлыкка ылайык, Кыргыз Республикасынын Конституциясынын 71-беренесин жетекчиликке алып, Кыргыз Республикасынын билим берүү жана илим министри белгиленген тартипте дайындалганга чейин билим берүү жана илим министринин биринчи орун басары Усеков Уланбек Абдилазизовичке билим берүү жана илим министринин милдеттерин убактылуу аткаруу жүктөлдү.
Бүгүн, 24-январда Министрлер Кабинетинин төрагасынын орун басары Эдил Байсалов Уланбек Усековду министрликтин жалпы жамаатына тааныштырды. …
