Эрмекбай Омошев Чүй облусунун Ысык-Ата районунун акими болуп дайындалды, деп билдирет президенттин басма сөз кызматы.
«Президент Садыр Жапаров кол койгон тескемеге ылайык, КР Конституциясынын 70-беренесинин 1-бөлүгүнүн 6-пунктуна, 71-беренесине ылайык Омошев Эрмекбай Алянович Чүй облусунун Ысык-Ата районунун мамлекеттик администрациясынын башчысы – аким болуп дайындалды», — деп айтылат маалыматта.
Белгилей кетсек, президент райондун буга чейинки акими Алмазбек Осмонов кызматынан бошотту.