Ысык-Көлдүн Бостери айылындагы «Золотые пески» пансионатынын аймагында болгон каргашалуу окуя — 18 жаштагы уландын өлүмү боюнча сотко чейин өндүрүш башталды. Бул тууралуу облустук милициядан кабарлашты.
Маалыматка ылайык, тиешелүү соттук-медициналык экспертизалар дайындалды.
«Экспертизалык иштер аяктагандан кийин гана кайсы берене боюнча кылмыш иши козголору белгилүү болот», — деп айтылат маалыматта.
Эске салсак, 27-июлда «Золотые пески» пансионатында аквапарктын түтүкчөсү 18 жаштагы С.С. аттуу жигитти соруп кеткен. Жерине куткаруучулар, ИИМдин кызматкерлери жана эс алуучулар тартылган. Түтүкчөнү кесип маркумдун жансыз денесин алып чыгышкан.