Ысык-Көл: катуу шамал үйлөр менен мекемелердин чатырларын учурду

Ысык-Көл облусунда катуу шамалдын кесепетинен социалдык объектилердин жана турак үйлөрдүн чатырлары жабыркады.Бул туурасында КР ӨКМнин басма сөз кызматы билдирди.

Маалыматта, 2018-жылдын 24-ноябрь күнү саат 23:00 чамасында Ысык-Көл облусунун Балыкчы шаарында ылдамдыгы секундасына 24-28 метрге жеткен шамал катталган. Шамал №1 Л.Толстой атындагы орто мектептин 60 чарчы метр чатырын (профнастил), №2 Ж. Бөкөнбаев атындагы орто мектебинин складынын 7 чарчы метр шиферин, 2 турак үйдүн 230 чарчы метр чатырын (профнастил) жана башка бир нече имараттардын чатырларын учурган. 

Учурда  келтирилген материалдык чыгым такталууда.