Өзбекстан КМШ алкагында эркин соода режимин киргизүү үчүн бардык чектөөлөрү алып салууга даяр. Бул тууралуу Шавкат Мирзиёев Астанада өткөн Көз карандысыз мамлекеттер шериктештигинин лидерлеринин жыйынында билдирди.
“Өз ара соодадагы бардык тоскоолдуктарды алып салуу үчүн тиешелүү чараларды көрүү зарыл. Сөздөн ишке өтө турган убакыт келди”, — деди өзбек президенти.
АЛ КМШ боюнча кесиптештерине өз ара сооданы көбөйтүү – чектөөлөрдү алуу боюнча кеңешмелерди өткөрүп, чараларды кабыл алуу үчүн тармактык министрликтерге бир айлык мөөнөт берүүнү сунуштады.
“Азык-түлүк жана энергетикалык коопсуздук коркунучу кооптуу деңгээлге жетти. Бул көптөгөн аймактарда социалдык толкундоолорду жана туруксуздукту жаратууда. Тилекке каршы, Шериктештик мейкиндиги да четте калган жок. Бул терс тенденциялардын баары туруктуу өнүгүүнү камсыздоо боюнча жалпы аракетибизге кедергисин тийгизүүдө. Мындай масштабдагы көйгөйлөрдү бирге гана чечсе болот”, — деди Мирзиёев.
Өзбекстан өнөктөштөрүн мөмө-жемиштер менен камсыздоого даяр. Өз кезегинде өлкө дан, май, мал үчүн жем-чөп сатып алууга кызыктар.
Өзбекстан президенти жаңы логистикалык коридорлорду да бирге өнүктүрүүнүн өтө маанилүү экенин белгиледи. Ал кеп “Термез — Мазари-Шариф — Кабул — Пешавар” жана “Кытай — Кыргызстан — Өзбекстан” темир жолдорунун курулушунун долбоору жөнүндө болуп жатканын айтты. Мирзиёев бул жолдор салынса, жүк ташуунун мөөнөтү жана баасы эселеп арзандай турганын жана товарларды сатуу үчүн жаңы рыноктор пайда болорун билдирди.
Министрлер кабинетинин төрагасы Акылбек Жапаров 2-3-майда иш сапары менен Өзбекстанга барат. Бул тууралуу өкмөттүн басма …
Өзбекстандын Сырдарыя районунда өрттөлгөн үйдөн киши колдуу болгон үч адамдын сөөгү табылды. Бул тууралуу өлкөнүн …
15-майдан тарта Өзбекстанда ылдам жүрүүчү «Афросиаб» электр поезддеринин билеттеринин баасы көтөрүлөт. Бул тууралуу «Өзбек темир …
Быйылкы жылдын январь-март айларында Өзбекстан 2 миллиард 664 миллион 300 миң долларга алтын экспорттогон. Өзбекстандын …
25-28-апрель күндөрү күтүлүп жаткан нөшөрлөгөн жаандан улам Өзбекстандын бери дегенде эле тогуз аймагында сел жүрүшү …
16-апрелде Термез шаардык акимчилигинин алдындагы оюн-зоок паркында чынжыр үзүлүп кетип, төрт адам, анын ичинде эки …
