Орусиянын “Газпром” компаниясы менен Өзбекстан өкмөтү энергетика тармагында кызматташуу боюнча стратегиялык меморандумга кол коюшту. Бул тууралуу 1-ноябрда Өзбекстандын Энергетика министрлиги билдирди.
Документ газ менен камсыздоо жана жеткирүү, ошондой эле геологиялык чалгындоо жана көмүр суутегин өндүрүү багытындагы кызматташууну өнүктүрүүгө багытталган. Ага Санкт-Петербургда өткөн эл аралык газ форумунун алкагында Өзбекстандын энергетика министри Журабек Мирзамахмудов менен «Газпромдун» башчысы Алексей Миллер кол коюшту.
Мындан тышкары, тараптар орус газын Өзбекстанга Казакстандын аймагы аркылуу жеткирүү маселесин талкуулашты. Бул жараян октябрдын аягында башталганы маалым.
Июнь айында Ташкент өлкөгө жаратылыш газын жеткирүү боюнча «Газпром» менен эки жылдык келишимге кол койгон. Келишимге ылайык, көгүлтүр отун «Борбор Азия-Борбор» кууру аркылуу ташылат. Бериле турган газдын көлөмү жылына 2,8 миллиард куб метрге жакын болот.
Бирок Орусия менен Өзбекстан өкмөттөрү газдын баасы боюнча маалымат бере элек. Өзбекстандын энергетика министри Журабек Мирзамахмудов буга чейин Орусиядан сатылып алынган газдын баасы коомчулукка айтылбай турганын жана газдын баасы сыр сакталарын билдирген. Министрдин айтымында, баа улуттук кызыкчылыкты жана рынок шартын эске алуу менен аныкталган.
Министрлер кабинетинин төрагасы Акылбек Жапаров 2-3-майда иш сапары менен Өзбекстанга барат. Бул тууралуу өкмөттүн басма …
Өзбекстандын Сырдарыя районунда өрттөлгөн үйдөн киши колдуу болгон үч адамдын сөөгү табылды. Бул тууралуу өлкөнүн …
15-майдан тарта Өзбекстанда ылдам жүрүүчү «Афросиаб» электр поезддеринин билеттеринин баасы көтөрүлөт. Бул тууралуу «Өзбек темир …
Быйылкы жылдын январь-март айларында Өзбекстан 2 миллиард 664 миллион 300 миң долларга алтын экспорттогон. Өзбекстандын …
25-28-апрель күндөрү күтүлүп жаткан нөшөрлөгөн жаандан улам Өзбекстандын бери дегенде эле тогуз аймагында сел жүрүшү …
16-апрелде Термез шаардык акимчилигинин алдындагы оюн-зоок паркында чынжыр үзүлүп кетип, төрт адам, анын ичинде эки …
