Өзбекстандын Жогорку соту совет бийлигине каршы куралдуу каршылык көрсөткөнү үчүн 240 кишиге козголгон беш кылмыш ишин кайрадан карап, айыпталуучулардын баарын актады. Бул тууралуу аталган соттун басма сөз кызматы билдирди.
Маалыматка караганда, акталган адамдар 1929-1931-жылдары азыркы Каракалпакстандын, Сархандарыя, Навои, Самарканд жана Кашкадарыя облустарынын аймактарында «совет бийлигине каршы куралдуу козголоңдорду уюштуруп, контрреволюциялык аракеттерге барышкан». Алар Өзбек жана Казак ССРлеринин жарандары болгон.
Быйыл апрелде Жогорку соттун кылмыш иштери боюнча коллегиясы 1930-1931-жылдары репрессияланган 208 өзбекстандыкка козголгон үч кылмыш ишин кайра карап, баарын актаган. Алар Борбор Азиянын биргелешкен мамлекеттик саясий бюросунун үч тараптуу кеңешинин чечими менен Сибирге сүргүнгө айдалган.
Мурдараак Репрессия курмандыктарынын элесин түбөлүккө калтыруу боюнча республикалык жумушчу топ 408 кишини актаган. Бүгүнкү күнгө карата акталгандардын жалпы саны 856га жетти.
2021-жылы августта өзбек президенти президент Шавкат Мирзиёев СССР маалында 100 миң өзбек репрессияга кабылып, алардын 13 миңи атылып кеткенин билдирген.
Өзбекстанда 2001-жылдан бери президенттин демилгеси менен 31-августта Репрессия курмандыктарын эскерүү күнү белгиленип келет.
15-майдан тарта Өзбекстанда ылдам жүрүүчү «Афросиаб» электр поезддеринин билеттеринин баасы көтөрүлөт. Бул тууралуу «Өзбек темир …
Быйылкы жылдын январь-март айларында Өзбекстан 2 миллиард 664 миллион 300 миң долларга алтын экспорттогон. Өзбекстандын …
25-28-апрель күндөрү күтүлүп жаткан нөшөрлөгөн жаандан улам Өзбекстандын бери дегенде эле тогуз аймагында сел жүрүшү …
16-апрелде Термез шаардык акимчилигинин алдындагы оюн-зоок паркында чынжыр үзүлүп кетип, төрт адам, анын ичинде эки …
15-апрелде «Өзбекстан аба жолдору» авиакомпаниясы Жакынкы Чыгыштагы кырдаалга байланыштуу Ташкент-Тель-Авив-Ташкент багыты боюнча каттамдарды токтотту. Компаниянын …
Өзбекстандын Ички иштер министрлиги (ИИМ) үй камагына алынган же эркиндиги чектелген адамдарга аралыктан көзөмөл кылуунун …
