Өзбекстанда 1-декабрдан тарта энергетикалык система күнү-түнү иштөөгө өтөт.
22-ноябрда президент Шавкат Мирзиёев «Өзбекнефтегаз» акционердик коомуна барып, тармактын кышкы сезонго даярдыгы менен таанышты.
Өзбекстан президентинин басма сөз кызматы билдиргендей, жыл башындагы катуу суукту эске алуу менен энергетика системасынын дараметин жогорулатуу боюнча иш-чаралар жүргүзүлдү.
«Быйыл биз энергетика системасын жакшыртууга бардык булактардан 14,5 триллион сум (1,1 миллиард доллардан ашык) бөлдүк. Биз керектүү нерселер — чийки зат, материалдар, жабдуулар менен камсыздадык. Эми тармак жетекчилери толук жоопкерчилик алып, баарын так пландап, энергияны үзгүлтүксүз жеткирүүнү камсыздоосу керек», — деди Мирзиёев.
Расмий маалыматка караганда, Өзбекстанда быйыл 675 мегаватт кубаттуулуктагы электр энергиясын өндүрүүчү объектилер ишке киргизилди. Республика боюнча 100 көмөк чордон, 11,5 миң трансформатор жана 34 миң чакырымдык түйүндөр жаңыртылды.
Маалыматта калкты жана ишканаларды жаратылыш газы менен туруктуу камсыз кылуу максатында 5 миллиард куб метр газ менен камсыздоо маселеси чечилгени, жер астындагы кампаларда газдын жетиштүү запасы түзүлгөнү айтылат.
Процесс присоединения электросетей центральной части Таджикистана к Центральноазиатской энергетической системе (ЦАЭС) посредством линии электропередачи Узбекистана …
