17-октябрда Чымкенттин кылмыш иштери боюнча райондор аралык соту жөө кишилерди сүзүп кеткен автобустун айдоочусу Хайрулла Юлдашевге карата өкүм чыгарды.
Ал «Транспорт каражатын колдонуу эрежелерин бузуу» беренеси боюнча күнөөлүү деп табылып, беш жылга эркинен ажыратылды. Мындан тышкары ага транспорт каражатын башкарууга жети жылга тыюу салынды.
Юлдашев күнөөсүн мойнуна алып, бирок токтоп турган автобустун жылып кетүүсүнө ShymkentBus автопаркы айыптуу экенин билдирди.
Сотто жабырлануучулар айдоочуну кечиргенин айтышты. Буга чейинки отурумдарда прокурор Юлдашевди сегиз жылга эркинен ажыратууну жана беш жыл транспорт каражатын башкарууга тыюу салууну өтүнгөн.
Быйыл апрелде Чымкент шаарындагы «Метро» соода борборунун жанында токтоп турган автобус ылдыйды көздөй жылып кетип, жол жээгиндеги адамдарды сүзүп кеткен. Жыйынтыгында беш киши каза болгон.
Иштин материалдарына ылайык, айдоочу автобусту четке токтотуп, дүкөнгө кирип кеткен. Ошол маалда бош турган автобус ылдыйды көздөй жылып барып, адамдарды сүзгөн. Жыйынтыгында төрт киши дароо мүрт кетип, бир бала ооруканада эсине келбестен көз жумган.
Полиция автобустун 49 жаштагы айдоочусун кармап, тергөө иштерин баштаган. Анда укук коргоо органдары айдоочу «автобусту кол тормозуна коюуну унутуп калганын» билдиришкен.
29-августтта Чымкент шаарындагы көп кабаттуу үйдөн өрт чыгып, төрт батир күйүп кеткен. Куткаруучулар 35 кишини …
Казакстандын Чымкент шаарындагы төрөт үйүнүн жанындагы жарылуудан каза тапкандардын саны үч кишиге жетти. Алгач өлкөнүн …
Чымкент шаарында ондогон киши акимчиликтин алдына чогулуп, апрелдин башында «7-20-25» программасынын алкагында өткөрүлгөн кредиттик турак-жай …
Январь окуялары боюнча 107 кылмыш иши айыптоо кортундусу менен аяктады. Бул тууралуу Казакстан Ички иштер …
