Борбор калаанын муниципалитетинде мэр Айбек Джунушалиевдин төрагалыгы алдында коомдук транспорттун көйгөйлөрүн чечүү максатында жыйын өттү. Бул тууралуу мэриянын басма сөз кызматы кабарлады.
Жыйынга мэрдин орун басары Максатбек Сазыкулов, Транспорт жана жол-транспорттук инфратүзүмдү өнүктүрүү департаментинин директору Улан Уезбаев, «Бишкек жүргүнчүлөр автотранспорттук ишканасы» муниципалдык ишканасынын директору Бакыт Темикеев, Бишкек троллейбус башкармалыгынын директору Талант Капаров, ошондой эле алардын орун басарлары катышты.
Жыйында 15-ноябрда жол кырсыгына кабылган №48 автобустун маселеси көтөрүлүп, жабыркаган жүргүнчүлөрдүн абалы, автобусту калыбына келтирүү, транспорт ишканаларынын жетекчилери менен айдоочунун жоопкерчилиги каралды.
Ошондой эле жол кырсыктарын болтурбоо жана айдоочуларды жол эрежесин сактоого мажбурлоо маселелери көтөрүлүп, автобустардын ылдамдыгын чектеген, жүргүнчүлөрдү эсептеген жана айдоочулардын жол кыймылын көзөмөлдөгөн жаңы программалык камсыздоону орнотуу боюнча тапшырмалар коюлган.
Мэр Бишкек шаарынын автобустарында накталай эмес төлөмдөрдү жүргүзүү боюнча жүргүзүлүп жаткан иштерди сынга алып, жүргүнчүлөрдү тейлөөнүн сапатын жакшыртууга аракетсиздик кылган ишкана жетекчилигине тиешелүү жаза чараларын көрүүнү, ошондой эле жол эрежесин жана ылдамдыкты сактабаган, баарлашуу маданиятын сактабаган жана жүргүнчүлөргө кайрылуунун этикеттерин бузган айдоочуларды жумуштан бошотууга чейинки чараларды көрүүнү тапшырды.
Жыйындын жыйынтыгында накталай эмес төлөмдөрдү көзөмөлдөө, анын ичинде ар бир автобуска контролерлорду алуу боюнча бир катар сунуштар айтылып, салондун тазалыгы, айдоочулардын (формалардын) тыкан сырткы көрүнүшү да көтөрүлдү.
Бишкек шаарынын мэриясы коомдук транспорттогу жол кире тарифтери боюнча кырдаалды түшүндүрдү. Муниципалитеттен билдиришкендей, 23-апрелде Жогорку …
Эртең, 30-январдан тарта Бишкек шаарындагы коомдук унааларга жол кире жогорулайт. 30-январдан тарта автобус-троллейбустарга жол кире …
Кытайга жүк ташып иштеген жүздөй айдоочу 20-декабрда Транспорт жана жол министрлигинин Ош шаарындагы башкармалыгынын алдына …
Бишкек шаарынын мэриясы учурдагы аба ырайына байланыштуу шаардыктарды коомдук муниципалдык транспортко которууну сунуштайт. Бул тууралуу …
Борбор калаадагы коомдук транспорт шаардыктарды штаттык режимде тейлейт. Бул тууралуу мэриядан билдиришти. Саат 9:00гө карата …
Унаа менен жарышкандар «Манас» аэропортунун жолун жаап алып, ары-бери өткөндөргө тоскоолдук кылышкан. Бул тууралуу президенттин …
