Президент Садыр Жапаров Сузак, Алай, Тогуз-Торо, Кара-Суу, Бакай-Ата жана Нарын райондоруна жаңы акимдерди дайындады.
Бүгүн, 6-мартта жарыяланган жарлыкка ылайык, Баратбек Сыдыкназаров Сузак районунун акими кызматынан бошотулуп, ордуна Дамир Кулубаев дайындалды.
Кара-Суу райондук администрациясын Чыңгыз Бапаев жетектей турган болду.
Бапаев буга чейин Алай районунун акими болуп иштеген. Президент бул районго жетекчи кылып Адыл Сапаровду дайындады.
Тогуз-Торо районуна аким болуп Нурлан Эшмукамбет уулу барды. 28-февралда буз кызматтан Манас Мураталиев өз арызы менен кеткен.
Президенттин ушул эле күнү чыгарган жарлыгына ылайык, Зарылбек Тыныбек уулу Бакай-Ата районуна, Залкарбек Каримов Нарын районуна аким болду.
