Эл аралык арбитражда Кыргызстандын кызыкчылыгын коргогонго далилдер көп. Бул тууралуу Жогорку Кеңештин депутаты Мирлан Жээнчороев билдирди.
«Биринчиден биздеги экологиялык бузууларды бир гана Кыргызстандын эксперттери эмес, эл аралык адистер дагы тастыктаган. Жалпыга маалымдоо каражаттары менен ачык булактарда 2008-2011- жылдары чет жерден эксперттер келип, бузууларды аныктаганы тууралуу маалыматтар бар. Эл аралык тажрыйбада дагы экологияга каршы чоң ишканалар утулган. Аларга караганда Кыргызстандын позициясы кыйла бекем, далилдер жетиштүү. Кумтөрдүн айланасындагы соттук териштирүүлөргө улуттук эксперттер, эл аралык юридикалык компаниялар менен Кыргызстандын кызыкчылыгын коргоп, экологияга зыян келтиргендерди жоопко тартуу керек»,-деди депутат.
Эске салсак, 7-май күнү Бишкек шаарынын Октябрь райондук соту «Кумтөр Голд Компани» ишканасын экологияга тийгизген залакасы үчүн деп мамлекетке 261 миллиард 719 миллион 674 сом (3 миллиард доллардан көбүрөөк) төлөөгө милдеттендирген.
Ага чейин Жогорку Кеңеш министрлер кабинетине ишкананы сырттан башкарууга мүмкүндүк бере турган мыйзам долбоорун жактырган. Президент Садыр Жапаров 14-майда бул мыйзамга кол койгон.
Мындан улам канадалык Centerra Gold Inc. компаниясы Кумтөр кенине байланышкан окуяга комментарий берген. 11-май күнү УКМК «Кумтөр голд компани» ишканасынын жетекчилери Кыргызстандан чыгып кеткенин билдирди.
Ал арада «Кумтөрдүн» ишин иликтеген мамкомиссия Centerra Gold Inс. менен кенге байланыштуу бардык келишимдерди жокко чыгарууну сунуштады. Анда 3,086 миллиард экологиялык зыян жана 1,166 миллиард салык төлөмдөрү боюнча, жалпысынан 4,3 миллиард доллар боюнча доо арыз берүү каралган.
Кумтөр Кыргызстандагы эң ири алтын кени — анын аянты 26,3 миң гектарды түзөт. Кенди 1992-жылдан бери канадалык Centerra Gold Inc. компаниясы иштетип келет.
Экс-депутат Мирлан Жээнчороев акыйкатчы кызматына талапкер болуудан баш тартты. Жээнчороев парламенттеги эки «Альянс» жана «Ынтымак» …
Жогорку Кеңештин мурунку депутаты Мирлан Жээнчороевдин талапкерлиги Кыргызстандын Акыйкатчы кызматына сунушталууда. Бул тууралуу Govori.TVга депутат …
«Кумтөр Голд Компани» ишканасы быйылкы 9 айда жасаган иштеринин жыйынтыгын жарыялады. Ага ылайык, Кумтөр алтын …
Кумтөрдүн чуусу эми башталат. Бул тууралуу “Бүтүн Кыргызстан” фракциясынын лидери, депутат Адахан Мадумаров билдирди. Анын айтымында, …
Бүгүн, 9-март күнү саат 14:00дө Жогорку Кеңеш Кумтөр маселесин жабык кароо чечимин кабыл алды. Президенттин …
АКШнын Нью-Йорк шаарында Кумтөр маселеси боюнча соттук процесс аягына чыга элек. Бул тууралуу Юстиция министри …
