Коопсуздук кеңеши өкмөткө Экологиялык жана техникалык коопсуздук боюнча мамлекеттик кызматтын башчысы Жолдошбек Жунушевди кызматынан бошотууну сунуштады. Бул тууралуу бүгүн, 24-январда Коопсуздук кеңешинин катчысы Дамир Сагынбаев билдирди.
Мындай чечим Коопсуздук кеңешинин чечимдери аткарылбай жаткандыктан кабыл алынган.
«Буга чейин Мамэкотехинспекциядагы 6 кызматкер пара талап кылганы үчүн кармалган. Ошондой эле жетекчилер Коопсуздук кеңешинин чечимдерин ишке ашырууга байланыштуу чоң каталарды кетирген», — деди Сагынбаев.