Парламенттин VII чакырылышынын депутаттары 29-декабрда ант берип, ишин баштады.
Жаңы келген депутаттардын арасында Конституцияга колун коюуну унуткандар да болду. Алар Элмурза Сатыбалдиев, Аманкан Кенжебаев, Сеидбек Атамбаев, Акылбек Түмөнбаев, Жылдыз Таалайбек кызы, Бакыт Тентишев, Адахан Мадумаров, Орозайым Нарматова.
Ошол эле учурда айрым эл өкүлдөрүнүн жүрүм-туруму сынга калды. Алсак, «Ынтымак» фракциясынан депутат Эрулан Кокуловдун жыйында чалкалап отурушу талкууга жем таштады.