• Шейшемби 16 Чын куран 2024
  • Вторник 16 Апрель 2024

1-класска электрондук каттоодо ата-энелер көңүл бура турчу маселелер…

4 Чын куран 2024 12:48 Бишкек Govori.TV

Билим берүү жана илим министрлигинин санариптик транформация бөлүмүнүн жетекчиси Шаршенбай уулу Нурлан «Кабар» агенттигинде өткөн маалымат жыйынында баланы 1-класска электрондук каттоодо ата-энелер алдын ала көңүл бурушу керек болгон маселелерге токтолду.

Анын айтымында, балдарды 1-класска каттоо системасы 8-апрелде саат 09:00дө ачылат. Бирок, ага чейин ата-энелер mektep.edu.gov.kg порталынан (портал 24 саат иштейт) эки нерсени текшерип коюшу керек:

  1. Ата-эне менен баланын ортосундагы туугандык байланышты;
  2. Жашаган жери боюнча кайсы мектепке карай турганын (биринчи этапка катышып жаткандар).

«Эгер каттоо башталгандан кийин кирип, анан туугандык байланыш такталбай калса, анда кечигип калгандай шарт түзүлүп калат. Экинчиден, чет элдик жарандар Калкты тейлөө борборлорунан ата-энелер жана балага ПИН-номер алуу шарт. Бирок, бул жарандар жашаган жери боюнча расмий каттоосу жок болсо, биринчи этапка катыша албайт, экинчи этапта гана баласын 1-класска каттата алат», — деди ал.

Количество просмотров: 60