Үстүбүздөгү жылдын 7 айында жарандардын кайрылууларынын жыйынтыгы менен 10 салыкчы жазаланып, салык мыйзамын бузгандыгы үчүн 4 ишкер административдик жазага тартылды. Бул тууралуу Мамлекеттик салык кызматынын маалымат кызматы кабарлады.
Маалыматка ылайык, жыл башынан бери Салык кызматына жарандар тарабынан 87 даттануу келип түшкөн.
«Кабыл алынган тийиштүү чаралардын натыйжасында 2 кызматкер ротацияланды, 1 катуу сөгүш, 5 сөгүш, 2 эскертүү жарыяланды. Мындан тышкары, бир даттануу боюнча материалдар ИИМге өткөрүлүп берилди»,-деп айтылат маалыматта.
Кошумчалай кетсек, жарандар салыкчылардын иштерине гана эмес, салык мыйзамдарын бузуу менен иш жүргүзүп жаткан ишкерлерге карата да даттануу менен кайрылса болот.