Мамлекеттик салык кызматынын башчысы Алмамбет Шыкмаматов блогерлерди салыктан бошотуу чечими жана мунун тегерегегиндеги талкууларга байланыштуу түшүндүрмө берди.
“Көптөр бүгүнкү күнгө чейин блогерди жөн гана телефон кармаган адам катары көрөт. Бирок бүгүнкү ийгиликтүү блогер – бул чакан медианын өзү. Ал эми эртең журналисттери, операторлору, монтажерлору, продюсерлери жана маркетологдору бар толук кандуу медиа-компанияга айланышы мүмкүн. Демек, бул – жумуш орундары, өз долбоорлору жана келечектеги салыктар дегенди билдирет. Ушундай эле көрүнүш мурда IT-компанияларга карата да болгон. Көптөр аларды олуттуу кабыл алышкан эмес. Бирок бүгүн алар бүтүндөй мамлекеттердин экономикасынын негизин түзүп жатышат”, — деди Шыкмаматов.
Ал президенттин мындай чечимин “стратегиялык” деп мүнөздөдү.
Эске салсак, 12-июнда президент Садыр Жапаров IT чөйрөсүндө иштегендерди, жасалма интеллектти, тиркемелерди иштеп чыккандарды, блогерлерди, чет өлкөлүк компаниялар үчүн аралыктан иштегендерди, стартаперлерди, кинофильмдерди, видео жана телеберүү программаларын тартуу менен алектенгендерди беш жылга салык төлөөдөн бошотуу боюнча жарлыгын чыгарган. Ал тармактарда иштегендер үчүн киреше салыгынын жеңилдетилген ставкасы 5%, ал эми камсыздандыруу төгүмдөрү 12% деп белгиленген.
Мындай чечим коомчулукта талкууларды жараткан болчу.
Мамлекеттик салык кызматы билдиргендей, рейд учурунда Беловодское айылынан акциз маркасы жок тамекилер табылган. Маалыматка ылайык, …
Мамлекеттик салык кызматынын кызматкерлери өлкөгө кургатылган жемиштердин ири партиясын мыйзамсыз алып кирүүгө бөгөт коюшту. Ведомстводон …
«Ак-Тилек» товарларды эсепке алуу пунктунда мөөнөтү өтүп кеткен жана эсепке алынбаган кондитердик азыктарды ташыган жүк …
Мамлекеттик салык кызматынын кызматкерлери Бишкек шаарында жүргүзүлгөн рейддик көзөмөлдүн алкагында тыюу салынган электрондук тамекилерди саткан …
Бишкекте алкоголдук ичимдикти мыйзамсыз өндүргөн жашыруун цехтер аныкталды. Бул тууралуу Мамлекеттик салык кызматынан билдиришти. Цехтердин …
Cалык кызматынын төрагасы Алмамбет Шыкмаматов Италияга болгон иш сапарынын алкагында Виченца шаарында өткөн «Vicenzaoro» эл …
