Бүгүн саат 14.00гө карата Кыргызстанда 700 миң шайлоочу референдумга добуш берди. Бул тууралуу Борбордук шайлоо комиссиясынын төрага орун басары Абдыжапар Бекматов брифингде кабарлады.
Анын айтымында, референдумга добуш берүүгө жалпы 3 млн 606 миң 201 адам катталган.
«Бишкек шаарында 65 740, Ош шаарында 39 786, Жалал-Абад облусунда 147 321, Ысык-Көл облусунда 57 977, Нарын облусунда 46 459, Ош облусунда 151 356, Талас облусунда 35 037, Чүй облусунда 95 465, Баткен облусунда 59 504, Чет өлкөлөрдө 1 355 шайлоочу добуш берди», — деди Бекматов.