Өлкөдө сутка ичинде 20 медкызматкерден коронавирус аныкталды. Бул тууралуу өкмөт үйүндөгү маалымат жыйынында коомдук саламаттык сактоо башкармалыгынын башчысы Айнура Акматова билдирди.
«Ош шаарында 4, Жалал-Абадда 3, Ысык-Көлдө 5, Нарында 1 жана Баткен облусунда 7 медик ооруну жуктуруп алган»,-деди ал.
Ошол эле учурда бир суткада 8 медициналык кызматкер ооруканалардан айыгып чыгарылган.
Кошумчалай кетсек, жалпысынан республика боюнча COVID-19 диагнозу менен медициналык кызматкерлер арасында 2 миң 829 учур катталып, алардын ичинен 1 миң 853 медкызматкер айыккан.