Сутка ичинде өлкөдө 25 медкызматкер коронавирус жуктуруп алды . Бул тууралуу өкмөт үйүндөгү маалымат жыйынында коомдук саламаттык сактоо башкармалыгынын башчысы Айнура Акматова билдирди.
Анын айтымында, Бишкекте 2, Ош шаарында 8, Ош облусунда 3, Жалал-Абадда 4, Ысык-Көлдө 5 жана Чүй облусунда 3 медик ооруну жуктуруп алган.
“Ошол эле учурда бир суткада 5 медициналык кызматкер ооруканалардан айыгып чыгарылган.
Белгилей кетсек, жалпысынан республика боюнча COVID-19 диагнозу менен медициналык кызматкерлер арасында 2 миң 854 учур катталды, алардын ичинен 1 миң 894 медкызматкер айыкты.