2026-жылкы Дүйнө чемпионатына тандоо оюндарынын үчүнчү баскычтын алкагында Кыргызстандын улуттук курама командасы менен Азиянын учурдагы чемпиону Катар курамасынын футболдук беттеши 3:1 эсебинде кыргыз курамасынын пайдасына аяктады.
Оюнда эсепти Валерий Кичин биринчи бөлүктө ачкан. Атаандаштар эсепти экинчи бөлүктүн башталышы менен теңеди. Ал эми 82-мүнөттө А. Мищенко эсепти 2:1 кылса, оюнга кошулган убакытта А. Шүкүров Каратга үчүнчү топту киргизди.
Беттеш Бишкектеги Д.Өмүрзаков атындагы стадионунда өтүп, ага миңдеген күйөрмандар келип кыргыз курамасын алга сүрөөгө алды. Ошондой эле оюнга өлкө башчысы Садыр Жапаров баштаган бийлик өкүлдөрү да келди.
Белгилей кетсек, бул 2025-жылдагы улуттук курама команданын өз үйүндөгү алгачкы беттеши.
Үчүнчү баскычта 18 курама алты командадан турган үч тайпага бөлүнөт. Бул этаптагы оюндардын жыйынтыгы боюнча ар бир тайпадан эң мыкты эки команда 2026-жылкы Дүйнөлүк биринчиликке жолдомо алышат. Төртүнчү квалификациялык раундда Азиядан дагы эки катышуучуну аныкталат жана континенттер аралык плей-офф аркылуу Дүйнөлүк чемпионатка катышуу үчүн дагы бир орун үчүн күрөш жүрөт. Биздин курама команда Иран, Катар, БАЭ, Түндүк Корея жана Өзбекстандын курама командалары менен биргеликте «А» тайпасында жайгашкан.
Эске салсак, 2026-жылкы Дүйнө чемпионатына тандоо турунун экинчи раунду алкагында Кыргыз Республикасынын Улуттук курама командасы тарыхта алгачкы жолу үчүнчү раундга жолдомо камсыздап, 2027-жылкы Азия Кубогуна чыккан.
Бүгүнкү күндө Өзбекстан менен чек араларды демаркациялоо маалында мурда Өзбекстанга тиешелүү болуп келген эки айыл …
Кыргызстандын президенти Садыр Жапаров бүгүн, 18-июнда Албаниянын президенти Байрам Бегай менен анын Кыргызстанга болгон расмий …
Албания Республикасынын президенти Байрам Бегай 17-июнда, Кыргыз Республикасына расмий иш сапары менен келди. Жогорку даражалуу …
Бүгүн, 9-июнда Кыргыз Республикасынын улуттук курама командасы Палестинанын курама командасына каршы экинчи жолдоштук беттеш өткөрдү. …
Бүгүн Кыргызстандын Улуттук курама командасы ФИФАнын июнь айындагы эл аралык беттештеринин алкагында Палестинанын улуттук курама …
Кыргыз Республикасы Европа Биримдигине учууларга тыюу салынган аба аркылуу ташуучулардын тизмесинен чыгарылды. Европа Комиссиясынын Мобилдүүлүк …
