Кыргызстанда 450 миңден ашык бала кызамыкка жана кызылчага каршы кошумча эмдөө алышты. Бул тууралуу Саламаттык сактоо министрлигинен билдиришти.
Республикалык иммунопрофилактика борборунун маалыматына ылайык, жылдын башынан бери 2 842 адам кызамык менен ооруган, алардын басымдуу бөлүгүн 4 жашка чыга элек балдар түзөт.
Ушуга байланыштуу кызамыкка жана кызылчага каршы кошумча эмдөө өнөктүгү уланууда. Бул өнөктүк 2023-жылдын 18-сентябрында вирус өзгөчө кеңири жайылып жаткан аймактарда – Бишкек, Ош шаарларында, Ош жана Чүй облустарында башталган. Төрт жуманын ичинде 450 миңден ашуун бала вакцина алышты.
Эмдөө 9 айдан 7 жашка чейинки курактагы балдар арасында буга чейин эмделгенине же кызамык жана кызылча менен оорусуна карабастан жүргүзүлүп жатат. Эмдөө өнөктүгү ЮНИСЕФ менен Дүйнөлүк саламаттык сактоо уюмунун колдоосу алдында өтүүдө.
Ооругандардын көбү Бишкек шаарында (757 адам), Ош шаарында (321 адам), Ош облусунда (670 адам), Чүйдө (389 адам) жана Жалал-Абад шаарында (440 адам) жашайт.
Вирустун жайылышын токтотуу үчүн эмделгендердин көрсөткүчү 95 пайыздан жогору болууга тийиш.
Кызамык – бул коркунучтуу жана өтө жугуштуу вирустук оору, аны айыктыра турган дары жок, ал эми анын оор түрү өлүмгө алып келиши мүмкүн.
Профилактикалык эмдөөдөн өтпөгөн балдар жана чоңдор тобокелдик зонасында болушат. Оорудан вакцина гана коргой алат.
Кыргызстанда жыл башынан бери кызамык (корь) жуктургандардын саны 6 545 адамга жетти. Бул тууралуу маалымат …
Жыл башынан бери кызамык оорусунун 6 миң 81 учуру катталган. Бул тууралуу брифингде Республикалык иммунопрофилактика …
Кыргызстанда жыл башынан бери кызамык жуктургандардын саны 4 855 адамга жетти. Республикалык иммунопрофилактика борбору маалымдагандай, …
Республикалык иммунопрофилактика борборунун маалыматына караганда, жыл башынан бери өлкөдө кызамык менен ооруган 536 учур катталды. …
Республикалык иммунопрофилактика борборунун маалыматы боюнча, 2024-жылдын башынан бери өлкөдө кызамык оорусунун 536 учуру аныкталган. Бул …
Казакстанда кызамыктан эки бала чарчап калганын 28-декабрда саламаттык сактоо министринин орун басары Айжан Есмагамбетова билдирди. …
