Бишкек.17.12.2018.Govori.TV
Алайдагы Бүлөлү айылынын жашоочусу (эркек киши) өзүнүн үйүндө асынып каза болду. Булактардын айтымында, 60 жаштагы маркумдун денеси 15-декабрь күнү табылган.
Алдын ала маалыматтар боюнча, көз жумган адам окуя болгон күнү эртең менен атын сатып, кайра 2 баш торпок сатып алган. Андан кийин жубайына: «Малдарды карап тур, мен кичине эс алайын», — деп айткан. Аялы үйүнө келгенде кире бериште асылып турган күйөөсүн көргөн.
Мындан 2 жыл мурун маркумдун уулу асынып каза болгон. Ал 5 баланын атасы болчу.
