Ош шаарынын вице-мэри Нурбек Кадыров бүгүн, 21-ноябрда С.Киров атындагы мектеп-гимназиясынын 5-классынын окуучусу Нурсултан Мамажановду кабыл алды.
Жолугушуунун алкагында вице-мэр Нурсултанды иш бөлмөсү менен тааныштырып, жакынкы аралыкта өтө турган ири иш-чаранын жүрүшү боюнча тиешелүү кызматкерлер менен биргеликте жыйынга катышууга чакырды.
Ал эми 5-класстын окуучусу Нурсултан мектеп окуучуларын уюлдук телефондордогу оюндарга азгырылбай, билимге умтулууга үндөдү.
Кошумчалай кетсек, жыйынга ЮНИСЕФтин Оштогу өкүлү Эрадж Каниев да катышты. Аталган иш-чара ЮНИСЕФтин Оштогу өкүлчүлүгүнүн демилгеси менен 20-ноябрь “Бүткүл дүйнөлүк балдар күнүнө” карата уюштурулган.