Бир суткада өлкө боюнча 5 медкызматкер коронавируска чалдыкты. Бул тууралуу Республикалык штабдан билдиришти.
Маалыматка ылайык, Баткен облусунда 2, Ош облусунда 1 жана Жалал-Абад облусунда 2 медик ооруп калган. Ошол эле учурда 6 медициналык кызматкер ооруканалардан айыгып чыгарылды.
Жалпысынан республика боюнча COVID-19 диагнозу менен медициналык кызматкерлер арасында 3131 учур катталды, алардын ичинен 2453 медкызматкер айыгып чыкты.