Алгач сабалган кыздын төрөгөн энеси ата-энелик укуктан ажырайт. Бул тууралуу Аламүдүн райондук социалдык өнүктүрүү башкармалыгынын башчысынын орун басары Тилек Миңбаев маалымдады.
«Кыздын төрөгөн энеси Жумгал районунда катталган экен. Биз кесиптештерге кайрылып, жардам сурадык. Кыздын ден-соолугу канатандыраарлык. Ал ачык эле өгөй энеси ургандыгын айтып жатат. Кылмыш иши ачылды. Эгер күнөөсү далилденсе ал үй-бүлөнүн 4 баласынан айрылат. Токмок жеген кыз, анын 10 жаштагы агасы атасынын биринчи никесинен, андан сырткары эки баласы бар экен дейт»,- Тилек Миңбаев.
Эске салсак 10-марттан 11-мартка караган түнү «Тез жардам» кызматы денеси көк-ала болгон кызды балдардын ооруканасына алып келген. Дарыгерлер дароо милицияга кабарлаган. Аламүдүн райондук ички иштер бөлүмү тарабынан «Адамдын ден-соолугуна атайлап зыян келтирүү» беренеси боюнча иш козголгон.