“Ош” аэропортунда Өзбекстандын төрт жараны 2 кг жакын контрабандалык алтын буюмдары менен кармалды. Бул тууралуу Ош шаардык ички штер башкармалыгынан билдиришти.
Билдирүүгө караганда, 19-мартта саат 19:30дар чамасында Ош облустук милиция кызматкерлери “Түштүк” бажычылары менен биргеликте жүргүзүлгөн иш-чаралардын натыйжасында алтын буюмдарды контрабандалык жол менен алып бара жаткан төрт жаран кармалган.
Аталган жагдай маалыматтардын электрондук журналына катталып, ыкчам тергөө тобу тарабынан материалдар топтолгон.
Текшерүүнүн жүрүшүндө Өзбекстандын төрт жаранынан алтын буюмдар табылган. 51 жаштагы М.Л. аттуу жарандан салмагы 500 граммды түзгөн ак алтындан жасалган зергер жасалгалар (эки даана билерик, бир даана шакек жана бир даана моюнга тагуучу чынжырча), 51 жаштагы М.Т. аттуу жарандан (аял киши) салмагы 430 граммды түзгөн алтындан жасалган зергердик жасалгалар (эки даана шакек, бир даана билерик, бир даана моюнга тагуучу чынжырча), 27 жаштагы Н.Н. аттуу жарандан салмагы 504 граммды түзгөн алтындан жасалган зергер жасалгалар (бир даана шакек, эки даана билерик, бир даана моюнга тагуучу чынжырча) жана 23 жаштагы М.Н. аттуу жарандан салмагы 508 граммдан турган алтындан жасалган зергер жасалгалар (эки даана шакек, эки даана билерик жана бир даана моюнга тагынуучу чынжырча) алынган.
Алар баары 1 кг 972 грамм алтындан жасалган зергер жасалгаларды тагынып өтүп бара жатышкан жеринен, “Ош” эл аралык аэропортунда кармалышкан.
Бүгүнкү күндө аталган жарандардын көрсөтүлгөн алтын буюмдарын алган жерин жана эмне максатта алып бара жатышкандыгын аныктоо максатында текшерүү иштери жүргүзүлүүдө.
Быйылкы жылдын январь-март айларында Өзбекстан 2 миллиард 664 миллион 300 миң долларга алтын экспорттогон. Өзбекстандын …
25-28-апрель күндөрү күтүлүп жаткан нөшөрлөгөн жаандан улам Өзбекстандын бери дегенде эле тогуз аймагында сел жүрүшү …
ӨКМ сел каптаган аймактар тууралуу акыркы маалыматтар менен бөлүштү. Ага ылайык: Кара-Кулжа райондук № 66 …
Ош облусунун Кара-Кулжа районунун Мырзаке-Кара-Кулжа-Алайкуу автоунаа жолунун 41-чакырымында унааны сел агызып, бир адам каза болду. …
16-апрелде Термез шаардык акимчилигинин алдындагы оюн-зоок паркында чынжыр үзүлүп кетип, төрт адам, анын ичинде эки …
Ош облусунун аймагында 16-апрелде саат 19:29да очогунда күчү 3,5 баллга жеткен жер титирөө катталды. КР …
