“GOVORI.TV” мультимедиялык маалыматтык агенттиги медиа айдыңындагы “Кыйын” аталышындагы телевизиондук ток-шоусунун алкагында Кыргызстандагы айымдардын лидерлик дараметин калыптандыруу максатында тренинг өткөрдү. Ага өлкөбүздүн 7 дубанынан алдыңкы айымдар келген. Алардын бири Аида Нуракова.
Чүй облусунун Москва районунан келген Аида айым кесиби боюнча мугалим, 3 баланын апасы.
«Коомдо болуп жаткан ар бир көйгөй менин да жүрөгүмдү өйүтпөй койбойт. Алардын ичинен көп ойлондурган маселе мигранттардын балдарынын абалы. Ошондой эле үй- бүлөдөгү зордук-зомбулук боюнча иш барууну каалайм»,-деди Нуракова.