Айпери Медет кызы Хорватиядагы Zagreb Open эл аралык рейтингдик мелдешинин финалына чыкты. Бул тууралуу Бириккен күрөш дүйнөсүнүн (UWW) сайтында айтылат.
Мелдеш 1-5-февралда Загреб шаарында өтүүдө. Айпери Медет кызы кыз-келиндер күрөшү боюнча 76 кг салмакта мелдештин 1/8 финалынан баштап күчүн сыноодо.
Ал алгач индиялык Киран аттуу кыз менен килем үстүнө чыгып, атаандашынын далысын жерге басуу менен таза жеңишти камсыздады. Чейрек финалда кыргыз кызы канадалык Жюстина Ди Стасио менен күрөшүп, анын дагы далысын жерге басып, жеңишти илип кетти.
Ал эми жарым финалда Медет кызы кытайлык Жуан Вангга каршы килемга чыкты. Кармашта эки упай артыкчылык менен келе жаткан кыргызстандык спортчу кайрадан атаандашынын далысын басканга жетишти.
Эскерте кетсек, Айпери Медет кызы 2022-жылдын сентябрь айында Сербиядагы кыз-келиндер күрөшү боюнча дүйнө чемпионатынын 1/8 финалында дал ушул Жуан Вангга утулуп калган болчу.
Кыргызстандын кыз-келиндер күрөшү боюнча курама командасынын мүчөсү Айпери Медет кызы эл аралык мелдеште алтын медаль …
Кыргызстандын кыз-келиндер күрөшү боюнча улуттук курама командасынын мүчөсү Айпери Медет кызы Zagreb Open биринчи рейтингдик …
Кыргызстандын кыз-келиндер күрөшү боюнча улуттук курама командасынын мүчөсү Айпери Медет кызы Азия оюндарынын финалына чыкты. …
Кыргызстан Сербиянын борбору Белград шаарында өтүп жаткан күрөш боюнча Дүйнө чемпионатында командалык эсепте 3-орунду ээледи. …
кыз-келиндер күрөшү боюнча курама командасынын мүчөсү Айпери Медет кызы Дүйнө чемпионатында күмүш медаль тагынды. Кыргыз …
Бишкек шаарында өтүп жаткан Күрөш боюнча рейтингдик мелдеште Айпери Медет кызы алтын, Мээрим Жуманазарова коло …
