Алай районунда сел сууларын тазалоо иштери жүрүүдө. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, кечээ, 3-майда Ош облусунун Алай районунда саат 15:00 чамасында кыска мөөнөттө жаап өткөн жамгырдын кесепетинен кокту-колоттордон келген суулар Гүлчө, Корул жана Коңур-Дөбө айылдарында турак үйлөрдүн короолоруна кирген.
Жеринде ӨКМдин ыкчам тобу иш алып барууда.
Учурда жабыркаган жарандар катталган жок.
