Бүгүн, 15-июнь күнү дезинфекциялоо иштерин жүргүзүү үчүн Аламүдүн базары убактылуу жабылды. Бул тууралуу Бишкек шаарынын мэриясынан кабарлашты.
Тиешелүү токтомго Бишкек шаарынын вице-мэри Татьяна Кузнецова кол койгон.
“Базардын аймагындагы (Курманжан Датка, Буденный, Муса Жалил жана Жибек Жолу проспектиси менен чектелген бөлүк) бардык соода түйүндөрү жана башка ишкерлик субъекттер убактылуу жабылды”, — деп айтылат маалыматта.