Алтынбек Максутов Маданият, маалымат, спорт жана жаштар саясаты министри болуп дайындалды. Бул тууралуу президенттин басма сөз кызматынан кабарлашты.
Маалыматка ылайык, тиешелүү жарлыкка президент Садыр Жапаров кол койгонду. «Конституциянын 70-беренесинин 1-бөлүгүнүн 2-пунктунун негизинде Максутов Алтынбек Аскарович мурда жүктөлгөн милдеттерин аткаруудан бошотулуп, маданият, маалымат, спорт жана жаштар саясаты министри болуп дайындалды», — деп айтылат маалыматта.