Бардык социалдык төлөмдөр, пенсия жана жөлөк пулдар убагында берилет. Бул тууралуу бүгүн өкмөттө өткөн онлайн жыйында вице-премьер Эркин Асрандиев айтты.
“Мамлекеттик бюджеттин кырдаалы оор болгонуна карабастан, социалдык милдеттерди өз убагында аткаруу үчүн күн сайын күч-аракетибизди жумшап жатабыз. Өкмөт пенсия, жөлөк пул жана мамлекеттик органдардын айлык акыларын өз учурунда берип жатат жана мындан ары дагы бул иштер өз убагында төлөнүп берилет”, — деп билдирди КР вице-премьер-министри Эркин Асрандиев.