18-19-20-апрель күндөрү “GOVORI.TV” агенттиги медиа айдыңындагы “Кыйын” телевизиондук ток-шоусунун алкагында Кыргызстандагы айымдардын лидерлик дараметин калыптандыруу максатында онунчу тренингин өткөрдү. Ага өлкөбүздүн булуң-бурчунан айылдык кеңештин депутаттары, мугалим, жарандык активист, жеке ишкер жана мамлекеттик кызматкерлер келген.
Алардын бири Жалал-Абад облусунун Сузак районунан келген Фарида Асыранкулова.
«№57 мектепте кыргыз тили боюнча мугалиммин. Ошондой эле Көк-Арт айыл аймагында жергиликтүү кеңештин депутатымын. Ал эми бул долбоорго үмүт менен келдим жана көп жаңы нерсени үйрөнгүм келет»,-деди ал.