Жогорку Кеңештин жетинчи чакырылышына депутаттарды шайлоо 4-октябрга белгиленген. Шайлоого 16 партия катышууда.
Учурда партиялар шайлоо алдындагы үгүт өнөктүгүн жугүзүп жатышат.
Мурунку депутат Өмүрбек Бабановдун дарыгерлер менен ыктыярчыларга «Даңк аллеясынан» жылдыз тапшыруу аземине келип катышуусу, коомдун талкуусуна алынды. Саясаттан биротоло кеттим деген Бабанов шайлоого аттанган «Республика» партиясын колдоого келгенин айтышууда.
Ал эми партиянын мүчөсү ЖК депутаты Руслан Казакбаевдин соцтармактагы баракчасына Бабанов менен чоогу түшкөн сүрөтүн жарыялап, «Кымбаттуу, сыймыктуу досум! Кош келдиң!», — деп жазуусу коомчулуктун кызыгуусун арттырып, суроолорду жаратууда.
Шайлоого аттанган партияларын колдоп чыккан эски саясатчылардын катарында «Ата Мекендин» лидери Өмүрбек Текебаев да бар. Өзү партиянын тизмесинде жок болгону менен, үгүт иштерине чыгып, эл алдында сөз сүйлөп, партияга колдоо көрсөтүп жаткан чагы.
Эске салсак, Текебаев жана мурдагы министр Дүйшөнкул Чотонов «орусиялык жарандар Леонид Маевский менен Алексей Модинден пара алган» деген көрсөтмөнүн негизинде 2017-жылы ар бири сегиз жылдан түрмөгө кесилген. Сот жараянын эки саясатчы ошол кездеги президент Алмазбек Атамбаевдин куугунтугу катары баалап жүрөт. Жогорку сот 2019-жылы ишти жаңы ачылган жагдайларга байланыштуу карап, мурдагы чечимдердин баарын жокко чыгарган жана Текебаев менен Чотоновду үй камагына чыгарган. Учурда иш Биринчи май райондук сотунда кайра каралып жатат.
Бүгүн “Ата Мекендин” өкүлдөрү Омурбек Текебаев жана Наталья Владимировна Никитенко шайлоочулар менен жолугушууда Кыргызстандын суверендүүлүгүн жана көз карандысыздыгын сактоонун маанилүүлүгү боюнча партиянын позициясын билдиришти. Биз дээрлик отуз жылдан бери Кыргызстандын эркиндиги жана көз карандысыздыгы үчүн күрөшүп келе жатабыз. “Ата Мекен” партиясы — бул күрөштүн ажырагыс бөлүгү. Кыргызстандын көз карандысыздыгына жана элибиздин эркиндигине көлөкө түшүрчү бардык билдирүүлөрдү ылайыксыз деп эсептейбиз. Бүгүнкү күндө көйгөйдүн тамырына көңүл буруп, өлкөбүздүн геосаясий жана экономикалык көз карандылыгынын түйүнүн чечүү өтө маанилүү. Чыныгы эркиндикке жана көз карандысыздыкка жетүү үчүн Кыргызстанга инфраструктуралык жаңы дем керек. Биздин программа ушул маселени чечүүгө багытталган. Бүл үчүн Кыргызстанга үч аракет зарыл болуп турат. Өмүрбек Текебаевдин тээ 2011-жылы кабыл алынган “темир жолунун курулушу тууралуу” мыйзам долбооруна ылайык “Кыргызстан-Кытай-Жакынкы Чыгыш” темир жолунун долбоорун ишке ашыруу. Экинчиси — “Ачык асман”. Бул долбоор “Ата Мекендин” талапкери, депутат Абдывахап Нурбаевдин демилгеси менен кабыл алынган. Ал Кыргызстанга Евразиялык мейкиндиктеги авиакаттамдардын борбору жана транзиттик базасына айланууга жол ачат. Кыргызстанды геосаясий жана транспорттук туңгуюктан чыгарууга багытталган аракеттердин уландысы болуп өлкөдө дата-борборлорду, интернет магистралдарды жана түйүндөрдү куруу саналат. Жогоруда саналган аракеттердин баары Кыргызстандын чыныгы көз карандысыздыкка жетишине бекем пайдубал болуп берет. Ошондо гана өлкөбүз эркин жана күчтүү экономикасына таянган теңата өнөктөшкө айланат.*****Сегодня на встрече с избирателями, представители «Ата Мекен» Текебаев Омурбек Чиркешович и Никитенко Наталья Владимировна, озвучили позицию партии относительно важности сохранения суверенитета и независимости Кыргызстана. Мы уже тридцать лет боремся за свободу и независимость Кыргызстана. Партия «Ата Мекен» была неотъемлемой частью этой борьбы. Считаем неприемлемыми любые заявления, бросающие тень на независимость Кыргызстана и свободу нашего народа. Вместе с тем, именно сейчас важно обратить внимание на корень проблемы, разрубить «Гордиев узел» геополитической и экономической зависимости нашей страны. Для того, чтобы стать по настоящему независимым и свободным, Кыргызстану необходим инфраструктурный прорыв. Наша программа направлена на решение этого вопроса. Для этого Кыргызстану необходимо три действия. Реализовать проект железной дороги «Кыргызстан — Китай — Ближний Восток» в соответствии с законопроектом Омурбека Текебаева «о приоритетном строительстве железной дороги» принятом ещё в 2001 году. Второй проект «открытое небо». Данный проект инициирован и принят благодаря депутату Абдывахап Нурбаев (Abdyvahap Nurbaev), кандидату от партии «Ата Мекен». Данный проект позволит стать центром и перевалочной базой в авиасообщении на Евразийском пространстве. Логическим продолжением действий, направленных на выход Кыргызстана из геополитического и транспортного тупика станет строительство в стране дата центров, интернет магистралей и узлов. Все вышеуказанные действия станут реальным фундаментом для обретения Кыргызстаном реальной независимости. Так, Кыргызстан может превратиться в равноправного партнера со свободной и сильной экономикой.
Опубликовано Ата Мекен Суббота, 26 сентября 2020 г.
Ал эми абакта жаткан Кыргызстандын мурунку президенти Алмазбек Атамбаев да «Социал-демократтар» партиясын кош-колдоп алдыга сүрөп жаткан чагы. Абакта олтурса да анын сүрөттөрү менен баннерлер шаар көчөлөрүнө илинди. А мурунку президент абактан кайрылуу жолдоп, эркиндик менен демократияга добуш бериңиздер деген билдирүү таратты.
Саясатчы Камчыбек Ташиев баштап шайлоого аттанган «Мекенчил» партиясынын дагы баннерлеринде камактагы экс-депутат Садыр Жапаровдун сүрөтү менен чыгууда. Үгүт иштеринде колдонулган бул ыкмалар коомчулуктун ар кандай суроолорун жаратууда.
