Бүгүн, 11-апрелде Жогорку Кеңештин Социалдык саясат боюнча комитети тарабынан уюштурулган Пенсиялык системаны реформалоо жана 2023-2026-жылдарга карата милдеттүү медициналык камсыздандыруу тармагын өнүктүрүү концепциясынын долбоорун талкуулаган парламенттик угуу өтүүдө.
Иш-чарага Жогорку Кеңештин депутаттары, Министрлер кабинетинин төрагасынын орун басары Эдиль Байсалов баштаган тиешелүү министрликтердин, жарандык коомдордун жана бейөкмөт уюмдардын өкүлдөрү катышууда.
Социалдык фонддун төрагасынын орун басары Гүлнура Жуматаеванын айтымында, Кыргызстанда пенсионерлердин 70 пайызы аялдар, башка өлкөлөрдө аял-эркегине карабай баары бир куракта пенсияга чыгышат.
«Айымдардын жашоо курагы эркектерге караганда көбүрөөк. Алар эртерээк пенсияга чыгышат. Башка өлкөлөр эркектер менен аялдардын пенсияга чыгуу курагын теңеп коюуда. Мисалы, Европада баары эле 65 жаштан чыгат. Казакстан дагы этап-этабы менен өтүп жатат, Россия мамлекеттик кызматкерлерден баштады. Биз азыр теңөө жөнүндө сөз кылган жокпуз, жок дегенде эки жылга узартып, 58 жаштан 60ка көтөрүүнү сунуштап жатабыз. Чынын айтайын, мамлекеттик кызматта эч ким пенсияга кеткиси келбейт. Айымдар 58 жашында да жаш эле», — деди Жуматаева.
Ал эми Социалдык саясат боюнча комитетинин төрайымы Динара Ашимова электр энергиясы үчүн компенсация төлөө ченемин жаңы пенсия чектөөдө жоюу сунушу катаал кадам экенин белгилеп: “Муну менен катар иштеп жаткан пенсионерлерге пенсиянын базалык бөлүгүн бербөөнү сунуштап жатасыңар. Бул туура эмес. Аларды конституциялык укугунан чектөөгө кандай акыңар бар. Андыктан ар бир сунушту негиздеп бергиле”, – деди.
ПРЕЗИДЕНТТИК БАЛАТЫ ӨТТҮ Бүгүн президент Садыр Жапаров Т. Сатылганов атындагы Кыргыз улуттук филармониясында балдар үчүн …
Келерки жылы пенсияны жогорулатууга 970 млн сом каралган, деп билдирди “Кабар” агенттигинде өткөн маалымат жыйынында …
Үстүбүздөгү жылдын 1-октябрынан тарта пенсия 38% , 500 сомдон кем эмес өлчөмүндө көбөйт. Бул тууралуу …
ЖАП АРОВ ДУШАНБЕГЕ КЕТТИ Президент Садыр Жапаров бүгүн, 14-сентябрда Борбор Азия мамлекеттеринин башчыларынын Бешинчи консультативтик …
Депутат Камила Талиева Баатыр энелерге пенсиясына кошумча 5 миң сомдон төлөп берүүнү сунуштады. Бул тууралуу …
Бүгүн, 5-апрелдеги Жогорку Кеңештин жыйынында “Мамлекеттик пенсиялык социалдык камсыздандыруу жөнүндөгү” мыйзамга киргизилип жаткан өзгөртүүлөр экинчи …
